Треба да знаете-Антибиотиците можат да предизвикаат егзема кај мали деца
Уредник: Ина Гужу
Администрацијата на антибиотици кај многу мали деца го зголемува за 40% ризикот од развој на разни алергии. Неодамнешна студија, објавена во британскиот журнал за дерматологија, покажува дека малите кои добиваат најчест неинфективен дерматитис биле третирани со антибиотици во првата година од животот, пишува Medical News Today. Според истражувањето, секој третман со антибиотици го зголемува ризикот од заболување за 7%. Во исто време, антибиотиците земени од мајки, пред раѓањето на бебињата, немаат улога во развојот на егзема, покажува и истражувањето. Студијата се базираше на анализа на податоците од 20 други студии извршени врз деца и млади луѓе, на возраст до 25 години.
Едно од потенцијалните објаснувања може да биде дека антибиотиците ја менуваат цревната микрофлора кај децата, а тоа пак влијае на имунитетниот систем на организмот, што овозможува развој на алергии, смета професорката Тереза Цакок, една од авторите на студијата. Научниците сугерираат дека податоците не се убедливи, а родителите не треба да избегнуваат третман со антибиотици ако го препишуваат лекарите. Според нив, истражувањето дава само слика за можните причини што доведуваат до развој на егзема, наменета за водење на медицинската пракса.
Егземата е неинфективен дерматитис што може да се појави на кое било место на телото. Може да се карактеризира со воспаление на кожата предизвикано од разни иритации. Најчеста форма е атопичен дерматитис. Зафаќа 7 од 100 деца.Во 60% од случаите, започнува во првата година од животот, но никогаш пред возраст од 3 месеци. Егзема или дерматитис се најчестите кожни болести. Повеќе од 80 проценти од нив се јавуваат кај деца до 5 години, според Medical News Today.