Украина ќе купува гас од Германија

Автор: КАПИТАЛ/Датум на објавување: 11-05-2012 13:05

германија

Украинската државна компанија Нафтогас склучи договор за увоз на гас од германски RWE Supply & Trading, се вели во соопштението на Нафтогас. Претходно беше објавено дека Украина активно преговара за купување гас од Романија, Турција и Германија, наведува Лента.ру.

На Киев му треба снабдување со гас од Европа за да ја намали зависноста од договорите со Русија и да ја намали цената на ова гориво.

Во изјавата на Нафтогас се вели дека договорот со RWE Supply & Trading е рамковен, односно не предвидува задолжителни испораки. Исто така, договорот не предвидува конкретни рокови за негово завршување или проценетиот обем на испораки.

Претседателот на Нафтогас, Евгени Бакулин, во март објави дека планира да купи до 10 милијарди кубни метри гас годишно од Европа, што е околу една третина од вкупниот увоз. Ова може да се направи ако некои од цевководи преминат во режим на обратна работа.

Всушност, дури и ако Украина успее да постигне договор со европски компании, од кои многу добиваат гориво од „Гаспром“, ова нема да доведе до автоматско намалување на увозот од Русија. Договорите од 2009 година предвидуваат принцип „земи или плати“, кој предвидува значителни казни во случај на увоз понизок од очекуваниот. Во 2012 година, Украина мора да купи од „Гаспром“ околу 33 милијарди кубни метри гас, наведува „Лента.ру“.

Украина веќе се обидува веќе втора година да го убеди Гаспром да ги ревидира одредбите од договорите од 2009 година, склучени за време на поранешната премиерка Јулија Тимошенко. Според украинскиот претседател Виктор Јанукович, Украина плаќа 3,8 милијарди долари повеќе годишно за гас во споредба со соседните земји, пишува Агерпрес.