Во експлозија во рудник во Турција загинаа 157 лица

турција

турција

Ажурирање 00.22. 157 рудари загинаа како резултат на експлозијата во Турција, објави градоначалникот на Маниса. Истата бројка ја објавија локалните власти во Сома.

______________________

Ажурирање 19.01. Билансот на експлозијата е зголемен. Најмалку 20 лица го загубија животот.

Несреќата се случила во рудник за јаглен во регионот Сома (Маниса), околу 80 километри северно од градот Измир во западна Турција.

Регионалниот гувернер Мехмет Бахатин Атчи за НТВ изјави дека се случила експлозија во рудникот, при што загина најмалку еден рудар. Уште четворица рудари биле пренесени во болницата, пренесе Медијафакс.

Експлозијата се случила два километри под земја, а околу 20 рудари биле спасени од тимови за интервенција.

„Мислам дека 200-300 работници се заробени под земја“, рече гувернерот.