Британската полиција проучува нови информации за смртта на принцезата Дајана

Автор: КАПИТАЛ/Датум на објавување: 17-08-2013 23:08

проучува

Британската полиција ја проценува „релевантноста и кредибилитетот“ на новите информации што ги добиле за смртта на принцезата Дајана во 1997 година, пренесува ЕФЕ, повикувајќи се на изјава издадена од Скотланд јард во саботата.

Во полициското соопштение се наведува дека ова не е повторна истрага на случајот, а проценката на оваа информација е посебна акција од истрагата со кодно име „Операција Пагет“, во која се испитува теоријата за убиството. Во декември 2006 година, извештајот од оваа истрага заклучи дека не се пронајдени докази за да се поддржи таквата хипотеза.

Принцезата Дајана и нејзиното момче Доди ал Фајед починаа на 31 август 1997 година во сообраќајна несреќа во еден премин во Париз додека ги бркаа папараците.
Извор: Агерпрес