Дали блокирањето на еден протеин може да го реши проблемот со депресија, дебелина и болка

дали

Дали блокирањето на еден протеин може да го реши проблемот со депресија, дебелина и болка? Депресија, дебелина и хронична болка се едни од најитните здравствени проблеми ширум светот. Наодите од една неодамнешна студија покажуваат дека најверојатно е пронајден лек што може еден ден да ги реши сите овие три проблеми.

Според проценките на Светската здравствена организација (СЗО), прекумерната тежина и дебелината се петти фактор на ризик за целокупната смртност. Најмалку 2,8 милиони возрасни умираат годишно поради прекумерна тежина или дебелина. Скоро 40% од возрасните во САД се дебели. Во светски рамки, скоро 40% од возрасните се со прекумерна тежина и 13% од нив се дебели.

СЗО исто така процени дека депресијата е водечка причина за попреченост ширум светот. Во САД, повеќе од 17 милиони возрасни лица доживеале барем една голема епизода на депресија во текот на нивниот живот.

Конечно, светската статистика проценува алармантен број на луѓе кои страдаат од хронична болка. Само во САД, околу 50 милиони возрасни живеат со хронична болка. Студиите ја поврзуваат хроничната болка со депресија, анксиозност и зависност од опијат.