DCBusiness Б; европски европски а; очекувано; Помош од ЕУ
Европските банки ги повикаа властите на Европската унија да ги релаксираат побарувањата за капитал
Европските банки ги повикаа властите на ЕУ да ги релаксираат побарувањата за капитал и другите регулаторни бариери за да им помогнат на компаниите што минуваат низ тежок период поради епидемијата на коронавирус, пренесува Ројтерс.
Во писмото испратено до Европската унија, Европската централна банка и Европскиот орган за банкарство во средата, Европската банкарска федерација (ЕБФ), телото што ги обединува европските национални банкарски индустрии, претстави план во три фази. Во писмото, ЕБФ повикува на помош на регулаторите „за да можат да работат конструктивно со должници. За што ќе биде потребна флексибилност за да можат да ги надминат регулаторните бариери и да можат да ги финансираат должниците кои се соочуваат со привремени тешкотии“.
Европската банкарска федерација предложи збир на „непосредни одлуки“ за да се избегне запирање на протокот на пари или готовина кон компаниите и домаќинствата во наредните недели. Овие може да бидат проследени со збир на среднорочни активности и други мерки за „релаксирање“ на ефектите од пруденталните правила или капиталните правила врз банките во текот на следната година, се вели во писмото што го прочита Ројтерс. Според ЕБФ, регулаторите во блокот на ЕУ можат да ја подобрат способноста на банките да позајмуваат со релаксирање на таканаречените резерви на фондови, кои се поставени во добри времиња за да се користат во кризни ситуации. ЕБФ, исто така, тврди дека другите видови резервации наметнати од националните регулатори, покрај минималните услови наметнати на ниво на ЕУ, можат да бидат релаксирани. Управниот одбор на Европската централна банка треба да се состане во четврток во услови на притисок да се намали влијанието на коронавирусот врз економијата, откако Италија стапи во карантин поради епидемијата. Ова се случи откако Федералните резерви на САД и Банката на Англија итно го намалија интересот за монетарната политика.