Дебелите луѓе се изложени на ризик од потешки форми на КОВИД-19
Покрај дијабетесот и астмата, постои уште еден голем фактор на ризик за сериозен COVID-19: дебелината.
Според студија на американски истражувачи, ризикот од тешки форми на КОВИД-19 е многу поголем кај дебелите луѓе.
Во Велика Британија, скоро 75% од критично болните пациенти поради коронавирус биле со прекумерна тежина или дебели.
Вишокот тежина влијае на правилното функционирање на белите дробови, што бара механичка пулмонална вентилација.
За жал, скоро 70% од пациентите со механичка вентилација доживуваат тешки компликации во белите дробови.
Индексот на телесна маса под 25 се смета за нормален, а индексот на телесна маса над 30 спаѓа во категоријата дебелина.
Д-р Мет Кејпхорн, директор на Институтот за дебелина во Ротерхам, предупредува дека луѓето со прекумерна тежина или дебели лица треба да преземат чекори за да спречат компликации од можна инфекција со новиот коронавирус, особено што се повеќе се сугерира дека ќе има вториот бран на пандемијата во есен.
Вишокот тежина ја отежнува работата на дијафрагмата и белите дробови, што резултира со намалување на капацитетот за оксигенација на ткивата, што доведува до дисфункција на повеќе органи.
„Како што се зголемува телесната тежина, белите дробови се помалку проветрени и постои ризик од развој на нарушувања на белите дробови, особено астма, но исто така и срцеви заболувања или дијабетес“, предупредува проф. Ендрус.
Сепак, дебелината има и други ефекти: главно врз имунолошкиот систем. На пример, вакцините се помалку ефикасни за луѓе со прекумерна тежина или дебели луѓе.