Диетата со ниска енергија ги подобрува нарушувањата на спиењето Тренер - Персонал
Оние кои страдаат од нарушувања на спиењето, или опструктивна апнеја, би можеле да имаат корист следејќи диета со ниска енергија за да изгубат тежина, открива студија објавена во британскиот „Мердикал журнал“.
Апнеја при спиење е честа состојба предизвикана од абнормални паузи при дишењето за време на спиењето. Оние кои страдаат од такво нешто ретко се чувствуваат одморени после ноќен сон, а болеста може да произведе негативни здравствени ефекти, како што се зголемен ризик од несреќи, намален квалитет на живот и поголема шанса за предвремена смрт.
Околу 60-70% од пациентите со апнеја при спиење имаат или прекумерна тежина или дебелина. Претходните студии во други групи на пациенти заклучија дека слабеењето може да ја подобри состојбата на пациентите.
Авторите, предводени од Кари Јохансон од Каролинскиот институт во Стокхолм, истражувале дали диетата со ниска енергија, проследена со контрола на телесната тежина, може да биде корисна за пациентите со апнеја при спиење.
Студијата, продолжува со претходната студија од истите автори, објавена во британскиот „Мердикал журнал“ во 2009 година, која ги истражуваше ефектите на диетата заснована на мала потрошувачка на енергија за девет недели. Новата студија ги разгледува долгорочните ефекти на одржување на телесната тежина во текот на една година.
Студијата вклучува 63 мажи на возраст од 30 до 65 години кои страдале од умерена до тешка апнеја при спиење. Од 63 пациенти, 58 следеле диета со ниска енергија девет недели, проследена со едногодишна програма за одржување на телесната тежина.
Диетата со ниска енергија се заснова на планот за тежина во Кембриџ - се состои од низа различни ароматични производи кои го заменуваат оброкот (шејкови, супи, шипки и каша) кои ги содржат потребните витамини и минерали за да може поединецот телесната тежина на здрав начин.
Резултатите покажаа дека пациентите кои изгубиле тежина по деветте недели диета со ниска енергија, и ја одржувале својата тежина една година, довеле до позитивни ефекти врз нивната апнеја при спиење. На пример, на една година, на 48% од пациентите веќе не им биле потребни маските што ги користеле за да спијат за да им помогнат да дишат, а 10% се ослободиле од опструктивната апнеја при спиење.
Пациентите кои имале тешки форми на почетокот на студијата имале поголеми подобрувања отколку оние со умерено заболување, покажува студијата. Авторите исто така велат дека и пациентите кои изгубиле најмногу килограми имале најдобри резултати.