Експлозија во фабрика во Германија, 13 лица се повредени

повредени

Германската полиција во понеделникот соопшти дека 13 лица биле повредени во експлозија во фабрика за делови за автомобили во Баварија, според веб-страницата Ројтерс.

Четворица од повредените се сериозно повредени и со хеликоптер се пренесени во болница. Според полицијата и пожарникарите, областа е обезбедена и стабилизирана и нема опасност за жителите во близина на фабриката.

Причината за експлозијата сè уште не е утврдена. Инцидентот се случил околу 10,15 часот по локално време во градот Елтман и не претставува опасност за околината, бидејќи не се испуштале опасни или токсични материи.

Фабриката Шефлер во Елтман произведува компоненти на лежишта и се наоѓа во Баварија, јужна Германија, 90 километри од Нирнберг. Шефлер е глобален снабдувач на автомобилски и индустриски делови.