Храната пржена во сончогледово или маслиново масло не може да биде штетна

маслиново

Храната пржена во сончогледово или маслиново масло не може да биде штетна за срцето, но тоа не може да важи за храна пржена во свинска маст или други маснотии.

Истражувачите од автономниот универзитет во Мадрид ја следеле диетата на 40.757 возрасни за 11 години, при што се случиле 606 срцеви удари и 1134 смртни случаи.

Учесниците беа прашани што јадат во текот на една типична недела и како се подготвува храната, според шпанското истражување цитирано од bbc.co.uk.

На крајот, истражувачите не можеа да ги поврзат инцидентите предизвикани од срцеви заболувања со пржена храна од исхраната. Ова се објаснува со видот на маслото во кое се подготвува храната, според специјалистите.

„Сè на сè, митот дека пржената храна е генерално штетна за срцето не е поткрепен со докази“, вели професорот Мајкл Лејцман од Универзитетот во Регенсбург во Германија.
„Но, ова не значи дека честите оброци со пржена риба и помфрит нема да имаат здравствени последици“, продолжи тој.

„Пред да влеземе во тавата, важно е да се има предвид дека оваа студија е направена врз основа на медитеранската диета, а не на британската, со риба и помфрит. Нашата диета во Велика Британија е различна од онаа во Шпанија, така што не можеме да кажеме дека оваа студија ќе го има истиот резултат и во нашата земја “, рече Викторија Тејлор, нутриционист за здравјето на срцето од британската фондација за срце.

Медитеранската диета одамна е ценета за нејзините здравствени придобивки, има малку маснотии, богата со растителни влакна, свежо овошје и зеленчук и риба. Бројни студии покажаа дека ваквата урамнотежена исхрана може да го намали ризикот од рак или срцеви заболувања.