Лубеницата може да ви го спаси животот! Зошто треба да го јадете ова овошје ако сте биле изложени на студ
Многу луѓе умираат од срцев удар во студено време, бидејќи напорите на организмот да ја регулира температурата предизвикуваат зголемување на крвниот притисок.
Студијата на американски истражувачи, објавена во американскиот журнал за хипертензија, открива дека лубеницата има корисни ефекти врз здравјето на срцето и го намалува ризикот од кардиоваскуларни болести, особено кога се изложени на студ.
„Напнатоста во аортата и срцето опадна откако волонтерите конзумираа екстракт од лубеница“, рече Артуро Фигероа, професор на Универзитетот во Флорида.
Научниците следеа 12 недели 13 лица со дијагностицирана дебелина, кои имаа проблеми со крвниот притисок. Рацете на учесниците беа потопени во ладна вода за да симулираат ладни услови, додека научниците им го мереа крвниот притисок. Потоа, половина од учесниците консумирале екстракт од диња дневно (четири грама аминокиселина Л-цитрулин и два грама Л-аргинин). Другата половина доби плацебо, а по шест недели, учесниците ги сменија улогите.
Истражувачите откриле дека лубеницата го намалува крвниот притисок и го намалува стресот на срцето, дури и при ниски температури.
Додатоците на Л-цитрулин и Л-аргинин се достапни во продавниците за здрава храна, но треба да се даваат во високи дози за да се намали крвниот притисок.
Студијата дојде кратко време откако друга откри дека вежбањето во топла вода може да го намали крвниот притисок. Истражувачи од Универзитетот во Сао Паоло, Бразил, откриле дека аеробната гимнастика изведена во топла вода може да го намали крвниот притисок, дури и кај луѓето за кои третманот со лекови не успеал.