Мекларен создаде нова платформа за следната генерација на хибридни суперавтомобили

Мајк Флевит, извршен директор на производителот на луксузни суперавтомобили Мекларен Аутомотив, ги претстави првите детали за комплетно нова, лесна и модуларна автомобилска архитектура што ќе биде основа на следната генерација на електрифицирани автомобили.

Новата архитектура, дизајнирана специјално за сместување на нови хибридни мотори, е дизајнирана, развиена и произведена целосно во Велика Британија во Технолошкиот центар Мекларен композити (MCTC) во регионот на Шефилд.

нова

Засилената модуларна платформа од јаглеродни влакна користи иновативни, најсовремени процеси и техники за отстранување на вишокот тежина, за намалување на вкупната тежина на возилото, истовремено подобрувајќи ги безбедносните атрибути. За овој централен елемент на автомобилот се верува дека тежи помалку од 200 кг, иако официјална бројка не е објавена.

Како што споменавме, тоа ќе биде основа на следната генерација на хибридни модели Мекларен, бидејќи компанијата се подготвува да влезе во втората деценија на производство на сериски автомобили. Првиот хибрид Мекларен базиран на новата платформа официјално ќе дебитира во 2021 година.

Мајк Флевит додаде дека новата архитектура ќе му овозможи на Мекларен постепено да го смени производството на 100% електрифицирани супер автомобили.