Нов договор за прекин на огнот во источна Украина
Договорот го објавија и претходно претставници на проруските сепаратисти во регионите Доњецк и Луганск, откако повеќе од 20 претходни обиди за спроведување на „целосен“ прекин на огнот пропаднаа.
Сепак, ваквиот договор се смета за важен предуслов за организација на нов самит за украинската криза.
Германската канцеларка Ангела Меркел и францускиот претседател Емануел Макрон изјавија дека сакаат да ги вратат на маса рускиот претседател Владимир Путин и украинскиот претседател Володимир Зеленски.
Според сепаратистичките бунтовници, договорот за прекин на огнот е придружен со низа дополнителни договори, вклучително и еден за забрана за употреба на беспилотни летала и друг за употреба на тешко оружје.
Овие клаузули имаат за цел да обезбедат поголема заштита за цивилите кои живеат во близина на линијата на фронтот, која се протега на околу 450 км. Исто така, одмаздничките истрели ќе бидат дозволени само по барање на највисоко ниво.
Киев не ги потврди овие дополнителни договори.
Проруските бунтовници се борат со украинската армија во регионите Доњецк и Луганск во близина на руската граница повеќе од шест години. Според проценките на ООН, во конфликтот се убиени околу 13.000 лица. Русија постојано негираше какво било директно учество.