Откриена е интересна врска помеѓу мускулната маса и очекуваното траење на животот
24-годишно истражување на шведски експерти врз примерок од еден милион машки адолесценти покажало дека кај оние со мала мускулна маса постои зголемен ризик од предвремена смрт.
Сега, научниците претпоставуваат дека силата на мускулите ја одразува добрата физичка состојба, што ја објаснува врската помеѓу мускулната маса и животниот век. Ефектот на мала мускулна маса делува како и секој друг фактор на ризик кој промовира рана смрт, сличен на дебелината или високиот крвен притисок.
И многу слабите и луѓето со прекумерна тежина имаат понизок животен век, додека мажите со форма се со поголема веројатност да живеат подолго.
За време на студијата, починале 26.145 (2,3%) од мажите. Главните причини за смртта биле случајни повреди, проследени со самоубиство, рак, срцеви заболувања и мозочни удари.
Адолесцентите кои имале натпросечна мускулна сила на почетокот на студијата имале помал ризик од предвремена смрт од кардиоваскуларни болести. Разликата помеѓу нивниот ризик од предвремена смрт и другите учесници се 20 или дури 35 проценти. Тие исто така имале 20-30 проценти помал ризик од предвремена смрт од самоубиство, со 65 пати помала веројатност да добијат психијатриска дијагноза во споредба со другите учесници.
Од друга страна, младите во адолесценција (помеѓу 16 и 19 години) имале најниско ниво на мускулна маса имале зголемен ризик од смрт пред 50-та година од животот.