Парламентарците го поканија принцот Маха
Тајландските законодавци во вторникот наутро го поканија принцот Маха Вајиралонгкорн да стане новиот крал, повеќе од еден месец по смртта на Бумибол Адулјадеј. Според постапката, името на принцот беше доставено од извршната власт на Тајланд во законодавниот дом, чиишто овластувања се исклучително ограничени под воената хунта, со што се отвори патот за неговото вложување како крал, пренесува Гардијан.
„Кабинетот на премиерот да испрати известување до Националното законодавно собрание“, рече вицепремиерот Правит Вомгсувон.
Претседателот на законодавниот дом мора да го покани принцот да стане крал пред јавно да се прогласи новиот монарх.
„Очекувам претседателот на законодавниот дом да прими кралска посета утре или задутре“, рече Правит, кој е број два во тајландската воена хунта.
Кралот Бумибол Адулјадеј почина минатиот месец на 88-годишна возраст, предизвикувајќи повеќенеделна национална жалост во Тајланд. Монархот играше улога на фактор на стабилност во последните децении насилство во Тајланд.
Претходно, премиерот тврдеше дека принцот побарал одложување на неговата инвестиција во позицијата монарх со цел да му се овозможи на тајландскиот народ време да жали за својот крал.
Принцот Маха Вајиралонгкорн не зборувал јавно од смртта на неговиот татко, а неговите планови за во иднина биле пренесени преку извршната власт во Бангкок.
Вајиралонхкорн во моментов е во Германија, но оваа недела ќе се врати во Тајланд за да разговара со претседателот на Националното законодавно собрание.