Под марката Алиекспрес Алибаба ја отвори својата прва продавница во Европа во Мадрид -

Кинескиот гигант за електронска трговија Алибаба ја отвори својата прва продавница во Европа во неделата, во трговскиот центар Ксанадо во Мадрид, а единицата е под брендот АлиЕкспрес, трговски оддел за потрошувачи, пренесува Бизнис Инсајдер.

Новата продавница ќе функционира како изложбен салон каде што купувачите можат да доаѓаат, да пребаруваат и да ја тестираат мешавината на производи, за подоцна да можат да ги купуваат преку Интернет.

Во изложбениот салон ќе се претстават над 1.000 производи од 60 брендови.

Отворањето физичка продавница во Европа е дел од поширокиот план на Алибаба за зголемување на глобалниот удел на пазарот и конкуренција на групата Амазон, чии годишни приходи се четири пати поголеми од кинеската групација.

Алибаба има удел од 56% во Кина и нејзината корисничка база рапидно расте, со 674 милиони луѓе кои годишно купуваат од нејзината платформа. Во последниот квартал, нивниот број се зголеми за 121 милиони. Сепак, според истиот извор, „Алибаба“ сè уште е зад Амазон на меѓународно ниво.

За да се затвори овој јаз, Алибаба ја започна придружната програма АлиЕкспрес во Европа на почетокот на 2018 година. Платформата е слична на онаа на Амазон, каде што купувачите можат да ги продаваат своите производи и да ги испраќаат до клиентите преку дистрибутивна мрежа, во замена за провизија за продажба.

Според компанијата за анализи Кантар, програмата започнува да работи во Шпанија, која е еден од најголемите пазари за Алибаба, заедно со САД и Русија.

---