Природното раѓање е поздраво

Мајките кои раѓаат со царски рез се изложени на ризик да имаат дебели деца, покажува истражувањето спроведено од специјалисти од Царскиот колеџ во Лондон.

Истражувањето се засновало на следење на 62 бебиња и покажало дека повеќето бебиња родени со царски рез имаат поголемо ниво на маснотии во црниот дроб во споредба со оние родени природно.

Истражувачите веруваат дека природниот процес на раѓање го изложува бебето на одредени фактори кои ја регулираат метаболичката рамнотежа, а породувањето со царски рез ги лишува бебето од овие регулаторни фактори.
Некои експерти велат дека породувањето со царски рез може да влијае на природната рамнотежа на хормоните и ензимите.
Истражувачите работат на други студии за да ја тестираат вистинитоста на теоријата дека овој хируршки метод спречува ослободување на хормони кои играат улога во регулирањето на метаболизмот во текот на животот.

Ако досега се знаеше дека трудот има значително влијание врз функционирањето на белите дробови и инстинктите на хранење на новороденчињата, сега специјалистите посочуваат дека може да има и други последици од породувањето со царски рез.

Последните 30 години се забележува драматично зголемување на бројот на жени кои се одлучуваат за царски рез, при што некои истражувачи тврдат дека процентот е зголемен за 250%. Во моментов, во Велика Британија, секое четврто дете се раѓа со царски рез.

---