Русија лансираше најмалку четири ракети
Руски воени бродови и подморница испукаа четири крстосувачки ракети од Медитеранот, насочувајќи се кон силите и опремата на џихадистичката група Исламска држава, лоцирана во близина на Палмира, објави во средата руското Министерство за одбрана, цитирано од руските новински агенции, пренесува Ројтерс.
Москва ги предупреди САД, Турција и Израел пред пукањето, соопшти Министерството.
Руските сили користеле ракети „Калибр“ при пукањето, според руските медиуми.
Руското Министерство за одбрана во соопштението за јавноста цитирано од АП соопшти дека фрегатата Адмирал Есен и подморницата Краснодар лансирале ракети насочени кон позициите на џихадистичката група.
Ракетите успешно погодија тешко вооружување на Исламската држава и џихадистичките борци што групата ги испрати во Палмира од де факто главниот град на калифатот Рака, објави Министерството.
Рускиот напад беше извршен навремено, што е доказ за ажурноста и можностите на руската морнарица, соопшти Министерството.