Руско-кинески воени вежби во близина на Северна Кореја
Автор: Александра Буикан/Датум на објавување: 18-09-2017 16:09
Кина и Русија започнаа заеднички воени маневри во водите во близина на Северна Кореја во понеделникот, неколку дена откако Пјонгјанг изврши нови нуклеарни и балистички тестови, пренесува АФП.
Кинеската морнарица пристигна во Владивосток, голем руски пристанишен град во близина на границата со Северна Кореја, истиот ден, се вели во соопштението на кинеското Министерство за одбрана. Воените вежби се одвиваат помеѓу овој крајбрежен град и северните води.
Овие маневри следуваат помалку од еден месец по шестата нуклеарна проба на Северна Кореја на 3 септември и лансирањето на две балистички ракети над Јапонија (29 август и 15 септември).
Севернокорејскиот режим ги оправдува своите воени амбиции со потребата да се заштити од САД.
Кина е најблизок дипломатски и економски сојузник на Северна Кореја, но минатата недела со остатокот од Советот за безбедност на ООН гласаше за избор на низа економски санкции против Пјонгјанг.
Русија го поддржува предлогот на Кина за „двоен мораториум“: замрзнување на атомските и ракетните тестови од страна на Северна Кореја во замена за прекин на заедничките воени вежби на САД и Јужна Кореја, за кои Пекинг тврди дека ги зголемуваат регионалните тензии.
Американската амбасадорка во Обединетите нации, Ники Хејли, ја отфрли понудата, велејќи дека единствениот начин да се реши овој проблем е преку дипломатија. Кинеската и руската армија постојано изведуваат заеднички воени вежби. Последниот се одржа во јули во Балтичко Море.
Кинеското Министерство за одбрана не ги прецизираше целта и времетраењето на маневрите оваа недела.
Агерпрес