Синдромот на полицистични јајници започнува да се развива во мозокот, а не во јајниците

Синдромот на полицистични јајници влијае на една од 10 жени на глобално ниво, според Science Alert.

Најчестите симптоми вклучуваат ненадејно зголемување на телесната тежина, цисти на јајниците, акни, влакна на лицето, депресија и тешки менструални циклуси. И покрај видливите симптоми, може да поминат неколку години за да се дијагностицира болеста. Повеќето третмани се базираат на апчиња или хормонални лекови. Тие успеваат да ги ублажат симптомите, но не ја лекуваат болеста.

На долг рок, синдромот на полицистични јајници може да предизвика дијабетес, кардиоваскуларни заболувања, хормонална дисфункција, вклучително и неплодност.

Истражувачите од Универзитетот во Нов Јужен Велс во Австралија покажаа дека глувците кои немаат рецептори на андрогени (група на хормони кои обично се наоѓаат кај мажи, како што е тестостерон) во мозокот можат да развијат синдром на полицистични јајници.

Бидејќи репродуктивниот систем на глувците е сличен на човечкиот, доказите сугерираат дека состојбата почнува да се развива во мозокот.

Експертите користеле висока доза на андрогени за да се обидат да предизвикаат синдром на полицистични јајници кај глувци. Резултатите покажаа дека вишокот на андрогени ја активира болеста, а дејството на андрогените во мозокот е важно во развојот на синдромот на полицистични јајници.

Препорачуваме да ги прочитате следниве статии:

---