Студија Лубеницата го намалува крвниот притисок и може да го намали ризикот од срцев удар кај дебелите луѓе

студија

Многу луѓе умираат од срцев удар во студено време, бидејќи напорите на организмот да ја регулира температурата предизвикуваат зголемување на крвниот притисок.

Студијата на американски истражувачи, објавена во американскиот журнал за хипертензија, покажа дека лубеницата има корисни ефекти врз здравјето на срцето и го намалува ризикот од кардиоваскуларни болести, особено кога се изложени на студ, според АФП.

„Напнатоста во аортата и срцето опадна откако (доброволци, н.р.) конзумираа екстракт од лубеница“, рече Артуро Фигероа, професор на Универзитетот во Флорида. Научниците следеа 12 недели 13 лица дијагностицирани со дебелина, кои имаа проблеми со крвниот притисок.

Рацете на учесниците беа потопени во ладна вода за да симулираат ладни услови, додека научниците им го мереа крвниот притисок. После тоа, половина од учесниците консумирале екстракт од лубеница дневно (четири грама аминокиселина Л-цитрулин и два грама Л-аргинин). Другата половина доби плацебо, а по шест недели, учесниците ги сменија улогите.

Истражувачите откриле дека лубеницата го намалува крвниот притисок и го намалува стресот на срцето, дури и при ниски температури. Додатоците на Л-цитрулин и Л-аргинин се достапни во продавниците за здрава храна, но треба да се даваат во високи дози за да се намали крвниот притисок. Студијата дојде кратко време откако друга откри дека вежбањето во топла вода може да го намали крвниот притисок.

Прочитајте исто така

Истражувачите од Универзитетот во Сао Паоло, Бразил, открија дека аеробната гимнастика изведена во топла вода може да го намали крвниот притисок, дури и кај луѓето за кои третманот со лекови не вродил со плод.