Сварете рак на тивок оган, господине Понта!
Автор: КАПИТАЛ/Датум на објавување: 15-07-2012 20:07
Премногу лице! Таков „видлив“ напад врз владеењето на правото и институциите за кои народот знае дека мора да ги брани своите демократски слободи - такво нешто не се прави во ЕУ! Во ЕУ, принципите на демократијата не се газат набрзина, 10 пати во една недела! Во поглед на светот, кој било источен политички нилски коњ кој нема трпеливост да ја консолидира својата моќ со помали чекори, не може бучно да ги гази. Во ЕУ, демократијата и правата на поединците можат да бидат уништени дискретно и без брзање со обувки на лидери и технократи кои знаат како да избегнат какви било судски спорови. Во ЕУ, кога ќе видите дека глупавите луѓе го одбиваат Европскиот устав на референдум, скроен од ултра компетентни бирократи во Брисел, како што тоа го сторија Французите и Холанѓаните во 2005 година, за една недела брутално не ги менувате правилата. Почекајте неколку години, убедете го светот дека е лоша идеја директно да се консултирате со народот за ваков важен закон и да се вратите со скоро идентичен документ, што го нарекувате поинаку.
Рускиот дисидент Владимир Буковски предупреди дека разликата помеѓу ЕУ и СССР зависи само од темпото на институционална промена, но крајниот резултат ризикува да биде ист. Параболата за рак му се чинеше сугестивна: за да ги сварите раковите, можете брзо да ги фрлите во врела вода, како во СССР, или прво да ги ставите во ладна вода, која полека ќе достигне температура на вриење, како што може да се случи во ЕУ. Виктор Понта го избра првиот рецепт и заслужува да биде маргинализиран.