Украина Бунтовниците велат дека се подготвуваат за нова офанзива

Проруските бунтовници во саботата изјавија дека се подготвуваат да започнат нова голема офанзива против владините сили во источна Украина, но дека не очекуваат во наредните денови да стигнат до стратешкото пристаниште Мариупол.

украина

„Подготвуваме втора контра-офанзива од големи размери“, изјави сепаратистичкиот премиер Александар Захарченко за руската новинска агенција РИА Новости.

Тој додаде дека неговите сили се добро опремени, пренесува Франс прес.

„Украинската армија ни остави многу опрема, муниција и бројни трофеи (.) Во последните 24 часа извлековме околу 40 воени возила“, рече тој.

Семен Семенченко, командант на доброволниот баталјон „Донбас“, кој се бори заедно со украинската армија, во саботата изјави дека е постигнат договор со бунтовниците за да можат да заминат владините сили опкружени со бунтовници во Иловаиск, во регионот Доњецк, под услов им остава тешко вооружување на бунтовниците.

„Продолжуваме со нашиот напад и го комплетираме процесот на расчистување на заокружените области и помагаме да се формира коридор меѓу Доњецк и Луганск“, објасни Захарченко, двата бастиони на бунтот опколени од армијата.