УКРАИНА; Проевропски демонстранти; се собраа во центарот на Киев; еМарамурите

проевропски
Двесте илјади приврзаници на евроинтеграциите се собраа на пладне во неделата на Киев на Плоштадот на независноста да побараат оставка од претседателот Виктор Јанукович, по неговата одлука да се откаже од договорот за асоцијација на Украина со Европската унија (ЕУ). пренесува Франс прес и Ројтерс.

Плоштадот на независноста, исто така наречен Мајдан, познат како почетна точка на „портокаловата револуција“ од 2004 година по која прозападните сили дојдоа на власт, веќе беше полн во неделата напладне и демонстрантите продолжија да се собираат. Еден милион учесници се очекува да се соберат на протестите во недела.

Повеќе од две недели се одржуваат обемни протести во Киев и другите украински градови, откако владата на оваа поранешна советска република го прекина потпишувањето на Договорот за асоцијација на ЕУ. По растерувањето на проевропските демонстрации на 30 ноември и 1 декември, демонстрантите бараат оставка од претседателот Виктор Јанукович, Владата предводена од премиерот Микола Азаров, одржување предвремени избори и потпишување на Договорот за асоцијација на Европската унија.
Извор: Агерпрес