Аларм активиран од дерматолозите во Франција можни нови симптоми на КОВИД-19

Францускиот национален сојуз на дерматолози и венеролози предупредува на ненадејно појавување на црвени дамки на кожата, понекогаш болни и привремени коприва.

франција

По респираторни симптоми, губење на вкус и мирис, кожни манифестации на Ковид-19.

Националниот сојуз на дерматолози-венеролози (СНДВ) во Франција предупредува, во соопштението за јавноста цитирано од БФМТВ, за симптомите што може да се појават на кожата во случај на заразување со болест Ковид-19.

„Група WhatsApp од над 400 дерматолози, организирана од СНДВ, укажува на лезии на кожата, поврзани или не со други симптоми на Ковид“, стои во соопштението за јавноста објавено од овој сојуз на лекари, пренесува Медијафакс.

СНДВ ги наведува симптомите за кои станува збор: акросиндроми (псевдо-смрзнатини на екстремитетите), ненадејна појава на понекогаш болни црвени дамки и минливи епизоди на уртикарија.

„Потенцијално заразни“ пациенти

Сојузот на дерматолози сугерира дека доколку се појават овие симптоми на кожа, консултирајте се (повикајте) специјалист што е можно поскоро. Анализата на бројни случаи пријавени од СНДВ покажува дека овие симптоми можат да бидат поврзани со Ковид-19, се вели во соопштението.

„Ја предупредуваме јавноста и лекарите што е можно побрзо да ги детектираат овие потенцијално заразни пациенти (не мора да покажуваат знаци на потешкотии при дишењето)“, се заклучува во соопштението.