Американецот обвинет за шпионажа и уапсен во Москва одел на свадба на пријател

уапсен

Поранешниот маринец Пол Велан, уапсен минатиот петок за шпионажа во Москва, престојува во Русија за да присуствува на свадба на пријател, соопшти неговото семејство.

Тој беше заедно со другите гости на свадбата во хотелот Метропол во Москва кога исчезна, изјави неговиот брат Давид за Си-Ен-Ен.

„Не може да има сомнеж за неговата невиност“, објави неговото семејство на Твитер.

Пол Велан е под кривична истрага, соопшти ФСБ, руската служба за внатрешно обезбедување. Рускиот кривичен законик казнува шпионажа со затворски казни од 10 до 20 години.

Американскиот Стејт департмент објави дека Москва го известила за ова апсење и побарала Вилан да има корист од конзуларна посета, согласно одредбите на Виенската конвенција.

Американскиот државен секретар Мајк Помпео во средата повика на итно ослободување на поранешниот воен човек кој служел во Ирак.

Руската Федерална служба за безбедност (ФСБ, поранешна КГБ) во понеделникот објави притвор во Москва на американски државјанин, идентификуван како Пол Вилан, кога вршел шпионски активности.

„На 28 декември, агентите на ФСБ приведоа државјанин на Северна Америка, Пол Велан, во Москва, додека тој вршеше шпионски активности“, се вели во соопштението на ФСБ.

Руската Федерална служба за безбедност додаде дека против Вилан е отворена кривична постапка според членот 276 од Кривичниот законик, кој се занимава со шпионски активности.