Јапонија ќе биде погодена од тајфун што може да предизвика катастрофа
Силен тајфун се упати кон Јапонија, погодувајќи го западот на архипелагот во саботата вечерта или во недела наутро, во регион веќе сериозно погоден од лошите временски услови на почетокот на јули, пренесува AFP.
Тајфунот Јонгдари носи ветрови со брзина од 180 километри на час и напредува кон Хоншу, главниот остров на јапонскиот архипелаг, објави во саботата јапонската агенција за метеорологија.
Во саботата наутро, во 04:00 часот по Гринич, тајфунот Јонгдари беше на околу 400 километри југоисточно од Токио и се упати кон Чугоку, западниот регион кој беше сериозно погоден од поплави и лизгање на земјиште, што резултираше со околу 220 смртни случаи на претходно овој месец.
Јапонските власти издадоа предупредувања до јавноста и повикаа на евакуација за поголема безбедност.
„Ние сакаме луѓето, особено оние во областите погодени од поројни дождови на почетокот на овој месец, да обрнат внимание на препораките за евакуација“, им рече на новинарите Минако Сакураи, официјален претставник на јапонската агенција за метеорологија.
Повеќе од 150 домашни летови се прекинати поради близината на тајфунот.
Поплавите во Чугоку се најголемата временска непогода во Јапонија во последните неколку децении. Многу луѓе во оваа област сè уште живеат во засолништа или куќи погодени од поплави и одрони.
Многу жители се заробени од ненадејниот пораст на нивото на водата или свлечиштата, па затоа овој пат јапонските власти ги повикуваат луѓето да ги следат препораките за евакуација (дури и ако не се задолжителни).
Ризиците се дотолку повеќе што почвата станува крајно кревка. Илјадници жртви сè уште се сместени во многу несигурни услови, некои веќе изгубија сè, а други се бореа повеќе од две недели да го спасат она што може да се спаси.
Архипелагот секоја година го погодуваат помалку од половина од вкупно 20 тајфуни што се случуваат во регионот.