Бројот на повредени во протестите во Бејрут надмина 300

Повеќе од 300 лица се повредени во големи протести во саботата вечерта во либанскиот главен град Бејрут, соопштија медицинските власти, според новинската веб-страница Ројтерс.

Ова е најголем број на повредени лица за еден ден од почетокот на антивладините протести во Либан во октомври минатата година.

Црвениот крст објави дека лекувал 220 повредени лица во саботата вечерта, од кои 80 барале хоспитализација, а Цивилната заштита објави дека обезбедила медицинска помош за уште 114 лица.

Граѓаните не се задоволни што откако премиерот Саад ал-Харири објави оставка во октомври, политичката класа не успеа да постигне договор за формирање нова влада или презентирање на план за економско закрепнување на земјата.