DCBusiness Италија бара помош од државите на ЕУ! Што им треба

Европската комисија во петокот објави дека Европскиот центар за координација при итни случаи

помош

Европската комисија во петокот објави дека Европскиот центар за координација при итни случаи (ЕРЦЦ) ги повика сите земји-членки да и помогнат на Италија, која се соочува со епидемија на коронавирус и побара повеќе медицински маски, пренесува ЕФЕ.

Според извршната власт на ЕУ, Италија го активирала Механизмот за цивилна заштита на ЕУ за да побара материјали потребни за борба против ширењето на коронавирусот, конкретно барајќи здравствени маски.

Европскиот комесар за управување со кризи Јанез Ленарчиќ го повтори ставот на Европската комисија изразен пред неколку дена од неколку европски претставници дека „вирусот не познава граници“, дека земјите-членки на ЕУ мора да покажат „солидарност“ и да го координира својот одговор на прогресијата на коронавирусот, кој во Италија зарази 650 лица и предизвика 17 смртни случаи, според последната привремена проценка презентирана во четвртокот вечерта. Европската комисија исто така објави дека подготвува заеднички тендери за набавка на заштитна опрема со цел да се минимизира ризикот од можни недостатоци на санитарни материјали. Од друга страна, извршната власт на ЕУ потврди дека ќе координира анализа на ефектите од епидемијата на коронавирус врз економијата на ЕУ.