Еден од акционерите на Арсенал ги плати заостанатите плати на Фабио Капело

Руското Министерство за спорт се обрати до бизнисменот Алишер Усманов да ги плати заостанатите финансиски средства на Фабио Капело.

Русија се соочува со сериозни економски проблеми, откако рубата се девалвираше минатата година за околу 60%. Меѓу погодените е и фудбалската федерација, која има потешкотии да ја носи платата на тренерот Фабио Капело.

Русите му должеа на Капело околу 5,2 милиони евра и ризикуваа санкции од ФИФА и УЕФА доколку не ги исполнат своите обврски. Како резултат, министерот за спорт Виталиј Мутко побара помош од Усманов, акционер во Арсенал Лондон и еден од најбогатите руски бизнисмени, со богатство од 18,6 милиони долари.

Од друга страна, бракот меѓу раководството на руската федерација и Фабио Капело не минува низ најубавите моменти, особено што резултатите не му помагаат ниту на 61-годишниот тренер. Сепак, Капело, кој заработува 10 милиони евра по сезона, во договорот има клаузула за раскинување од 30 милиони евра, во случај да биде отпуштен.

---