Гардијан Непалски работник умира на секои два дена на градилиштата на стадионите во Катар
Помеѓу јануари и ноември 2014 година, 157 работници од Непал го загубија животот на градилиштата на стадионите што се градат во Катар, соопштија претставниците на Непалската агенција за вработување.
Повеќето смртни случаи биле поради срцев удар - 67. Според цитираниот извор, само 34 смртни случаи биле официјално запишани како несреќи на работа, а осум го загубиле животот по срцев удар.
Новинарите од „Гардијан“ сметаат дека доколку се пријават сите смртни случаи, тогаш „најверојатно“ стапката на смртност би била повеќе од еден работник на ден.
Весникот објави дека организациите за човекови права ги обвинија катарските власти дека доцнат во истрагата за смртта и реформата на законот за работни односи.
Специјалистите консултирани од новинарите проценуваат дека, вкупно, до крајот на годината, скоро 190 работници ќе го загубат животот на градилиштата во оваа земја.
Според истиот извештај, владата потврди дека 964 работници од Непал, Индија и Бангладеш починале во 2012 и 2013 година во Катар.