Грција ќе ја декриминализира употребата на дрога

Автор: КАПИТАЛ/Датум на објавување: 07-09-2011 19:09

употребата

Грција ќе ги декриминализира употребата и поседувањето дрога во „мали количини“ за сите видови наркотици, рече во средата министерот за правда Милтиадес Папајоану, по усвојувањето на нацрт-законот во грчкиот Совет на министри.

„Грчките закони мора да бидат усогласени со европските закони и лицето кое е уапсено со мала количина на дрога за сопствена потрошувачка повеќе нема да се смета за сторител на кривично дело“, рече Милтијадес Папајоану на прес-конференција во Атина.

Министерот прецизираше дека овие „мали количини“ ќе бидат дефинирани кога законот ќе биде испратен во парламентот во наредните недели.
„Корисникот на дрога е пациент, а не криминалец“, рече министерот Милтиадес Папајоану.

Според сегашното грчко кривично право, едно од најтешките, употребата на дрога и поседување на нив за лична употреба, дури и во мали количини, носи казни до пет години затвор.
ИЗВОР: Агерпрес