Илјадници демонстранти во Јапонија протестираат против нуклеарната енергија
Автор: КАПИТАЛ/Датум на објавување: 07-05-2011 13:05
Илјадници протестираа во Јапонија во саботата, повикувајќи на крај на употребата на нуклеарна енергија по разорниот земјотрес и цунамито што ја предизвика најголемата нуклеарна катастрофа од Чернобил.
И покрај дождот, илјадници Јапонци се собраа во парк во Токио носејќи плакати на кои пишуваше: „Нуклеарната енергија е застарена“ и „Ние сакаме промена на енергетската политика“.
Два месеци по несреќата во нуклеарната централа Фукушима Даичи (северо-источно) по земјотресот, јапонскиот премиер Наото Кан во петокот повика на затворање на електрана во центарот на архипелагот изложена на силен сеизмички ризик.
„Побаравме Електростопанството Чубу да престане да работи на сите реактори во нуклеарната централа Хамаока“, рече Кан во петокот.
Фабриката се наоѓа на 200 км југозападно од Токио и на околу 100 км од метрополата Нагоја, во центарот на индустриски регион.
„Мило ми е што премиерот конечно реши да постапи“, рече еден демонстрант, кој на вратот го носеше зборот „Не“ во црвена и жолта боја. „Но, сакам да знам точно кога централата навистина ќе се затвори.
Организаторите на настанот очекуваа учество на 15.000 луѓе, по објавените повици на социјалните мрежи.
Франс Пресе потсетува дека Јапонија работеше околу 50 нуклеарни реактори пред земјотресот. Нуклеарната енергија снабдува нешто повеќе од 30% од електричната енергија во земјата.
ИЗВОР: Агерпрес