Како изгледа царскиот воз што го преминува регионот на Арктикот во Русија? Луксузното патување од Санкт
Првиот туристички воз во Русија кој го премина северниот дел на Сибир и стигна до главниот град на Норвешка, Осло, тргна во средата, на 5 јуни, со 91 патник. Возот, чие германско име „Заренголд“ значи „Злато на земјите“, има десет вагони, од кои два се вагони со ресторани, во кои руски готвачи специјално обучени во Швајцарија подготвуваат најдобри менија за туристи.
„Арктикот ги фасцинира сите“, изјави Нурлан Мукаш, извршен директор на германската компанија Лерниди Ерлебнирајзен, оператор на настанот.
„Оваа дестинација беше покриена од туристички агенции, но не и во Русија“, објасни тој.
Возот на Арктикот ќе застане во шест градови. Прво, патниците ќе го посетат Петрозаводск, каде ќе можат да го истражат Кижи, живописен остров на езерото Онега, претворен во отворен музеј со 80 историски дрвени конструкции, вклучувајќи го и замокот Кижи на списокот на УНЕСКО.
Следната станица е Кем, историско гратче сместено на устието на истоимената река во Белото Море, каде што патниците можат да ги посетат старите манастири и капели на Соловецските острови, каде што бил изграден првиот советски гулаг.
Третата станица е во Мурманск, најголемиот град во Арктичкиот круг.
Последна дестинација во Русија ќе биде селото Никел, во регионот Мурманск, а потоа возот ја преминува границата со Норвешка.
Во Киркенес, дел од патниците излегуваат од возот и се качуваат на крстаречките бродови, продолжувајќи го своето патување низ фјордовите на Норвешка, други ќе летаат кон Свалбард, кај Арктичкиот круг, а други ќе патуваат со воз до Осло, пренесува Дејли Меил.
Целото патување трае 11 дена и им овозможува на патниците да откриваат тешко достапни области со други превозни средства.
91-те туристи кои тргнаа со царски воз потекнуваа од седум земји, вклучувајќи ги Соединетите држави, Германија, Норвешка и Русија.
Нурлан Мукаш рече дека се надева дека овој воз ќе работи почесто во иднина, додавајќи дека следната година Заренголд ќе ја прави арктичката рута двапати годишно, а во 2021 година четири пати.