Канада ќе испрати шест борбени авиони во Источна Европа
Според канадските медиуми, авионите ќе бидат стационирани во Полска, но Кабинетот на премиерот одби да ја потврди оваа информација.
Најавата на Канада доаѓа во контекст на изјавата на генералниот секретар на НАТО Андерс Фог Расмусен од средата, кој најави дека Алијансата ќе има „повеќе авиони, повеќе бродови и зајакнување на обуката на своите копнени сили“.
„Канада продолжува остро да ја осудува незаконската руска окупација на Украина, како и провокативни воени гестови од Русија“, додаде канадскиот премиер.
„Ја препознаваме потребата од зајакнување на безбедноста и стабилноста во Централна и Источна Европа“, додаде тој.
Претходно, Франција објави дека ќе испрати неколку борбени авиони до крајот на месецот како дел од мисијата за надзор на воздушниот простор на НАТО во балтичките земји. Велика Британија, Германија и Данска исто така ги понудија своите услуги за оваа намена.