Колку е важен појадокот Медлајф
Појадок/Фото: Photoxpress.com
Луѓето секогаш треба да појадуваат за да го одржат срцето во добра состојба, според американските истражувачи. Нивната студија вклучувала 27 000 луѓе и покажала дека оние кои го прескокнуваат првиот оброк во денот имаат многу поголем ризик од развој на срцеви проблеми.
Тимот на школата за јавно здравје на Харвард откри дека игнорирањето на појадокот прави „дополнителен притисок“ врз нашите тела. Британската фондација за срце забележа дека здравиот појадок ни помага да се спротивставиме на искушението на слатките пред ручек.
Мажите, на возраст од 45-82 години, биле изучувани 16 години. За сето ова време имаше повеќе од 1500 срцеви удари или случаи на срцева слабост, што се покажа како фатално.
Сепак, луѓето кои прескокнале појадок имале 27% поголема веројатност да развијат срцеви проблеми отколку оние кои денот го започнале со здрав оброк. Истражувачите ја прилагодиле студијата на други варијабли, како што се пушење или физичка активност.
„Пораката е да јадеме наутро кога ќе се разбудиме, по можност за еден час“, рече една од истражувачите, д-р Лиа Кејхил.
Викторија Тејлор, диететичар од британската фондација за срце, рече: „Овие истражувачи гледаат само на мажи постари од 45 години, но треба да ги разгледаме идните истражувања за да потврдиме дали појадокот има исто влијание врз срцето и другите групи на луѓе. ".
„Она што го знаеме е дека здравиот појадок може да го направи тоа пладневно колаче помалку примамливо и да ни даде можност да ја прошириме нашата разновидност на храна во нашата исхрана [.] Тост од житарки, житарици или суво овошје се добар начин да го започне денот. “, додаде таа.