Конзервативците победуваат на изборите, а Националистите се трети во Финска - конечни резултати

Конзервативците победија на парламентарните избори во Финска, следени од социјалистите и националистите, кои забележаа историски изборен резултат, според конечните резултати од гласањето, објавени од Изборната комисија, пренесува АФП.

изборите

Од 200 места во Парламентот, Изборната комисија додели 44 на Националната коалиција (конзервативци), 42 на Социјалдемократската партија (СПД) и 39 на Вистинските Финци (националистичка десница).

Националната коалиција освои 20,4 проценти од гласовите, СПД 19,1 процент и Финската вистинска партија 19 проценти.

„Разликата помеѓу добиените гласови и бројот на места е поврзана со големината на изборните единици“, рече политикологот Илка Руостецари од Универзитетот во Тампере.

Партијата Центар, предводена од актуелната премиерка Мари Кивиниеми, се најде на четвртото место со 35 места за 15,8 проценти од гласовите.