Коронавирус на ДЦБ бизнис

Засега, вирусот изгледа незапирлив

Бројот на убиени од новиот вид пневмонија достигна 31. Во Кина, вирусот убиец стигна и до Австралија, додека трет случај на контаминација е регистриран во Франција. Во овој контекст, кинеската армија одлучи да испрати медицински персонал во Вухан.

Бројот на лица заразени со болеста предизвикана од овој мистериозен вирус што се појави во декември на агро-прехранбениот пазар во Вухан се искачи на 1.287, според локалните власти. За справување со ситуацијата, итно започна изградбата на антивирусна болница во Вухан, град во централна Кина со скоро 11 милиони жители. Новата медицинска установа ќе биде отворена на 3 февруари.

Наспроти ова, популарните кинески новогодишни свечености беа откажани во Пекинг, вклучително и објавување на седум кинески филмови. Исто така, во карантин се наоѓаа 13 локалитети во регионот Хубеи, со главен град во Вухан, со население од 41 милион жители.

Во меѓувреме, Светската здравствена организација (СЗО), која ја призна „вонредната состојба во Кина“, рече дека е „рано“ да се зборува за глобална вонредна состојба поради вирусот.

Набргу по објавата на СЗО, кинеската војска испрати 450 лекари и друг медицински персонал во Вухан да учествуваат во борбата против новиот коронавирус. Некои од нив имаат искуство во борбата против еболата и САРС, вирус сличен на коронавирусот.

---