Лек за дебелина, откриен кај мумии стари

Неколку научници од Универзитетот во Оклахома, САД, тврдат дека го откриле лекот за дебелината. Тие велат дека лекот за оваа состојба е во цревата на мумиите стари 3.000 години.

Американски научници веруваат дека само-лекувањето со антибиотици е едно од објаснувањата за зголемениот број на дебели луѓе. Според нив, овие лекови ја уништиле цревната флора, а телото повеќе нема способност да се бори сам против бактериите што живеат во организмот и се одговорни за зголемување на телесната тежина, информира Дејли меил.

Истражувачите веруваат дека за да се уништат бактериите кои предизвикуваат дебелина, на телото му се потребни одредени супстанции што се наоѓаат во мумиите стари три милениуми, кога не се користеле антибиотици.

Експертите сметаат дека за да победиме во борбата против дебелината, треба да ги воведеме во нашето тело оние микроорганизми откриени во телото на мумиите. За да дојдат до овој заклучок, специјалистите во лабораторијата проучувале неколку примероци на измет пронајдени во почвата на некои пештери на територијата на Северна и Јужна Америка, каде што биле мумиите.

Резултатите покажаа дека ДНК на бактериите во човечкото тело е многу поразлична од онаа на микроорганизмите што моментално се наоѓаат во нашето тело.

„Антибиотиците радикално ја сменија структурата на бактериите. Врската помеѓу овие лекови и дебелината треба повнимателно да се изучува. Секако нашето откритие е одбивно, но треба да се спомене дека тоа е студија само на почетокот, и додека не најдеме лек за дебелина мора да го продолжиме истражувањето “, изјави Сесил Луис, координатор на студијата.

---