Либија Гадафи започна со воздушни напади во два града под контрола на опозицијата
Верните сили на Гадафи во средата извршија воздушни напади врз два града контролирани од опозицијата, пренесува Хафингтонпост.
Присуствувајќи на јавна церемонија во Триполи, Моамер Гадафи зборуваше за одбележување на 34-годишнината од воспоставувањето на „масовната моќ“ во Либија.
Десетици луѓе беа присутни на церемонијата во средата, каде што извикуваа пароли во чест на Гадафи и ја отпеаја либиската национална химна.
Според цитираниот извор, силите на полковникот Гадафи ја презеле контролата над градот ал-Брега, лоциран на околу 80 километри западно. Во градот се наоѓа мал аеродром и објект за рафинирање на нафта.
Покрај тоа, лојалните сили на либискиот лидер ја презедоа контролата врз нафтениот објект во близина на источниот град Ајдабија, а два борбени авиони го бомбардираа источниот град.
Демонстрантите и силите на Гадафи беа вклучени во насилни судири во вторникот вечерта, што резултираше со 14 смртни случаи.
Сведоците на судирите исто така изјавија дека повеќе од 100 возила со припадници на милицијата или силите лојални на Гадафи пристигнале во ал-Брега во вторникот, додавајќи дека во рацијата биле користени и хеликоптери.
Сепак, портпарол на владата се чини рече дека информациите за контранапад врз градовите под контрола на бунтовниците се лажни.