Нема повеќе лажни ветувања на пакувањето храна

Автор: КАПИТАЛ/Датум на објавување: 17-05-2012 19:05

повеќе

За шест месеци, ниту еден европски потрошувач нема да може да биде измамен од чудесните својства напишани на етикетите на некои видови храна, Европската комисија одобри список на тврдења за исхрана и здравје што може да се запишат на пакувањето храна.

Производителите во оваа област имаат рок од шест месеци да ги прилагодат своите практики на новите барања. Спомнувања како важноста на калциумот за здравјето на коските или витамин Ц за имунитетниот систем може да се најдат само на пакувањето на производи што навистина имаат такви својства, пишува Агепрес Така, по краткиот преоден рок, тврдењата што не можат да бидат научно поддржани ќе треба да се отстранат од пазарот.

За повеќе заинтересирани потрошувачи, записите ќе бидат внесени во регистар - интерактивна база на податоци што може да се консултира на веб-страницата на Европската комисија.
По процесот на евалуација од околу 2.000 барања за споменување од списокот, беа разработени 222 овластени спомени за исхрана и здравје, што одговараат на број од околу 500 написи од консолидирана листа од 4600 написи, список договорен меѓу Комисијата, парламентот и земјите-членки. Во процесот на проценка на Комисијата сè уште има околу 2.000 ботанички супстанции.
Претставниците на прехранбената индустрија на ЕУ, FoodDrinkEurope, ја поздравија иницијативата: „време беше да се разјаснат овие недоразбирања, така што сите потрошувачи можат вистински да им веруваат на одредени спомнувања на етикетите“.