Одбројувањето за Олимписките игри во Сочи започна

Организаторите на Олимписките игри 2014 година го започнаа одбројувањето за натпреварот што ќе се одржи во текот на 1.000 дена во Сочи, осигурувајќи дека ќе се почитуваат околината и роковите утврдени за завршување на работите, информира АФП.

олимписките

Властите во руското одморалиште претставија електронска табела во вид на планини, на која ќе се гледа одбројувањето до 7 февруари 2014 година, кое ќе биде инсталирано пред главната железничка станица.

„Ова значи дека влеговме во права линија за Олимпијадата“, рече градоначалникот на Сочи, Анатоли Пахомов, кој призна дека има уште многу да се направи.

Олимписките игри во Сочи се најголеми меѓународни натпреварувања во Русија од падот на Советскиот сојуз во 1991 година, со подготовките кои директно ги надгледува премиерот Владимир Путин.

Се кренаа бројни гласови за да се доведе во прашање можноста на руските власти навреме да ги завршат подготовките за натпреварот во 2014 година.