Официјално е! Флуорот е класифициран како невротоксин во најпрестижното медицинско списание во
Гласовите кои повикуваат на отстранување на индустрискиот натриум флуорид од изворите на вода за пиење станаа сè посилни во последните години, а сега повеќе извори ги потврдуваат доказите против него.
Студија објавена во најстарото и најпрестижно медицинско списание „Лансет“, го класифицира флуорот како невротоксин - во иста категорија со арсен, олово и жива.
Според студијата, систематска анализа идентификувала пет индустриски хемикалии како невротоксини кои предизвикуваат оштетување на невроните: олово, метил-жива, полихлориран бифенил (PCB), арсен и толуен.
Анализата споменува уште шест супстанции идентификувани како невротоксини: манган, флуор, хлорпирифос, дихлоро-дифенил-трихлороетан (ДДТ), тетрахлоретилен и полибромирани дифенил етери (PBDE). Авторите на студијата истакнуваат дека многу други невротоксини сè уште не се откриени и некласифицирани.
Студијата забележува дека нервните попречености, вклучувајќи дефицит на внимание, хиперактивност, дислексија и други когнитивни нарушувања, влијаат на милиони деца ширум светот во она што тие го нарекуваат нова пандемија на невротоксичност.
Покрај флуорид од извори на урбана вода за пиење, супстанцијата може да се најде и во одредена храна, особено во одредени видови преработен чај кои се одгледуваат во области со висок степен на загадување.
Ако некогаш сте ги прочитале предупредувањата на вашата кутија за паста за заби, веројатно веќе знаете колку може да биде опасен флуорот, особено за децата. Поради оваа опасност, многу родители се откажале од пастите за заби кои содржат флуор во корист на органски формули засновани на есенцијални масла од кокос, мента и цимет или други природни состојки.
Во студијата објавена во „Лансет“, авторите предлагаат сеопфатна стратегија и тврдат дека неиспитаните хемикалии не треба да се сметаат безбедни за развој на мозокот, а оние што веќе се користат треба да се тестираат за да се стави крај на нивната невротоксичност и да се влијае врз развојот на невроните.
Нивните откритија се совпаѓаат со резултатите од мета-анализата на Универзитетот Харвард во 2013 година, што го потврдува тоа оние деца кои живеат во средини каде што водата има високи концентрации на флуорид имаат значително помал коефициент на интелигенција од децата кои живеат во области со низок флуор.
Покрај тоа, натриум флуорид во вода за пиење е исто така поврзан со разни видови на рак. Ова е различно од калциум флуорид, кој природно се наоѓа во ниски концентрации во вода за пиење и чај.
Во моментов, флуорот се додава на изворите на вода за пиење во поголемиот дел од Северна Америка, но тој не е вообичаен или, згора на тоа, дури е и целосно забранет во повеќето држави во Европа и другите развиени земји.