Полјаците треба да гласаат по пошта
Полскиот парламент усвои закон со кој се предвидува претседателските избори, чиј прв круг е закажан за 10 мај, да се одржи само по пошта, со цел да се намали ризикот од ширење на новиот коронавирус, пренесува AFP.
Оваа мерка беше иницирана и усвоена во понеделникот од Партијата на законот и правдата (ПиС, конзервативна, на власт), која одбива да ги одложи овие избори.
Опозицијата - и две третини од Полјаците, според анкетата - повикуваат на одложување на овие избори во два круга со директно универзално гласање.
Законот усвоен во понеделникот вечерта предвидува и дека, за време на епидемијата, претседателот на Диета, долниот дом на полскиот парламент, може да го смени датумот првично даден, но останувајќи во рамките утврдени со Уставот.
Некои коментатори сметаат дека ова ќе овозможи одложување на изборите за една недела и ќе се зачува имиџот на лидерот на партијата сојузник со ПиС, вицепремиерот Јарослав Говин.
Јарослав Говин - кој се противи на изборите на 10 мај - ја објави својата оставка во понеделникот, но ја задржува својата партија во коалицијата предводена од ПиС.
Полскиот устав наведува дека изборот на шеф на државата мора да се одржи на неработен ден, најдоцна 100 дена и најрано 75 дена пред истекот на мандатот на актуелниот претседател.
Овој рок нуди три можности - недела од 3, 10 и 17 мај.
Според некои аналитичари, ПиС стравува дека актуелниот претседател Анджеј Дуда - негов кандидат - повеќе нема да биде избран доколку изборите се одржат подоцна, кога последиците од новата пандемија на коронавируси ќе влијаат на полската економија.
Премиерот Матеуш Моравиецки во понеделникот призна дека Полска очекува врв на контаминација во мај или јуни.
Билансот на новиот коронавирус во Полска е 4.413 контаминации и 107 смртни случаи.