Повеќе од 50 цртежи слични на „линиите Наска“ се забележани со помош на „Гугл ерт“

Овие модели, изработени со помош на насипи од земја, личат на познатите цртежи од Наска во Перу, велат археолозите.

Геоглифите се забележани со помош на Google Earth и се во различни форми: кругови, крстови, квадрати, па дури и свастика.

Нивниот дијаметар варира помеѓу 90 и 400 метри и не може да се види од земјата, само од голема надморска височина.

Овие чудни цртежи ги анализирале археолозите на Универзитетот Костанај во Казахстан и Универзитетот Вилнус во Литванија.

Повеќето геоглифи биле направени од насипи од земја, а свастиката (антички симбол) од трупци.

Археолозите веруваат дека геоглифите имале обредна улога, но можно е тие да биле користени и за разграничување, за обележување на одредени земји.

Целта на нивното реализирање останува голема мистерија, но историчарите забележаа дека ваквите цртежи се појавуваат во различни земји, создадени од различни култури.

Покрај Наска, слични дизајни се најдени и во Русија и на Блискиот исток, но исто така и во Бразил, Велика Британија и јужните САД.

---