Премиерот на Јапонија тестираше автомобили што управуваат самостојно во градот

Јапонските производители досега тестираа автомобили за самостојно управување (автономни) на автопатите, но никогаш во градовите, меѓу пешаците. Минатата недела ги проба и самиот премиер на Јапонија во вакви сложени услови.

Во саботата, 9 ноември, премиерот Шинзо Абе го обиколи Токио со автономни автомобили.

Компаниите како „Тојота“, „Хонда“ и „Нисан“ се во трка со „Гугл“ и другите ИТ компании да развијат ваков тип на автомобили дизајнирани да ги намалат несреќите со искоренување на човечка грешка.

„Почувствував директно дека јапонската технологија е најдобра во светот“, изјави Абе пред новинарите по тестирањето на автомобилите. На крајот од месецот, овие модели ќе бидат претставени на Саемот за автомобили во Токио, заедно со новите модели на електрични автомобили.

Абе вети дека ќе и помогне на технологијата за само-пилот како дел од неговата економска политика.

---