Ракот на дојка се шири многу побрзо во организмот поради соединението кое се наоѓа во нив

Истражувачите проучуваат дали промената во исхраната може да им помогне на пациентите со карцином на дојка откако студиите врз глувци покажаа дека аспарагинот, соединение во аспарагусот, но исто така присутен и во друга храна, доведува до ширење на болеста на други органи.

Според Гардијан, кога истражувачите го намалиле аспарагинот во исхраната на животни со тумори на дојка, откриле дека секундарните тумори во другите ткива се значително намалени. Ширењето на малигни клетки во коските, белите дробови или мозокот е водечка причина за смрт кај пациентите со дијагностициран тумор на дојка.

„Ова е ветувачко откритие кое ќе ни помогне да ја смениме исхраната на луѓето со вакви тумори“, рече проф. Грег Ханон, директор на Институтот за истражување на рак во Велика Британија.

Аспарагинот е аминокиселина произведена природно во човечкото тело, но исто така се наоѓа во храната, во разни видови месо, зеленчук или млечни производи. Специјалисти проучувале глувци со агресивни форми на рак на дојка. Следејќи диета богата со аспарагин, глодарите развиле секундарни тумори за неколку недели и починале за неколку месеци.

Во списанието „Природа“, истражувачите објасниле како тие ја намалуваат способноста на туморот да се шири низ телото блокирајќи го аспарагинот со лекот наречен Л-аспаригиназа. Исто така, елиминирањето на храната богата со аспарагин од диетите кај животните помогна да се намали ширењето. Аминокиселината им помага на клетките на ракот да ја менуваат формата и полесно да се шират во телото.

Препорачуваме да ги прочитате следниве статии:

---