Рамзан Кадиров прави уште еден чекор кон исламизација на Чеченија, ќе биде поставена бригада за морал

Чеченија е дел од Русија и е предводена од Рамзан Кадиров, кого го критикуваат дека станува се повеќе диктаторски. Овие ограничувачки мерки би биле насочени кон секоја венчавка во Чеченија што би се одржала надвор од јавните простори.

Градоначалникот на Грозни, Ислам Кадиров, изготви упатства што беа испратени до рестораните и другите места каде што се случуваат свадбени настани.

На свадби се забранети: пукање од огнено оружје, пијанство или танцување на невестата. Голем број танцови движења што не се сметаат за „традиционални“ се забранети, од кои едното е промена на партнерите за време на танцот.

И покрај гаранциите за лојалност кон рускиот претседател, како што е носењето маици со името на Владимир Путин, Рамзан Кадиров е обвинет од активисти за човекови права дека честопати не ги применувал руските закони. Чеченските власти спроведоа голем број закони кои содржат исламски елементи и строго ги толкуваат локалните обичаи. Рамзам Кадиров забрани продажба на алкохол во Чеченија и ги охрабри жените да носат „пристојна“ облека.

---