Раната менопауза може да се одложи со калциум и витамин Д; Доктор експрес
Зголемениот внес на калциум и витамин Д би спречил рана менопауза, според едно американско истражување.
Раната менопауза (дефинирана како прекин на функцијата на јајниците пред 45-та година од животот) влијае на околу 10% од жените и е поврзана со зголемен ризик од кардиоваскуларни болести, остеопороза и предвремено когнитивно опаѓање.
Идентификувани се неколку модифицирачки фактори на ризик за предвремена менопауза, но новите податоци покажуваат дека високиот внес на витамин Д може да го намали ризикот.
Студија на истражувачи од Универзитетот во Масачусетс, спроведена на скоро 120.000 жени на возраст од 25 до 49 години, покажа дека учесниците кои имале најголем внес на калциум имале 13% помала веројатност за менопауза пред 45-тата година од животот., во споредба со жени со помал внес на калциум. Оваа студија исто така открила дека високото ниво на витамин Д во исхраната го намалува ризикот од рана менопауза за 17%.
За оваа студија, внесот на витамин Д и калциум од храна и додатоци се мереше на секои 4 години преку прашалник за навиките во исхраната.
Недостаток на калциум и витамин Д е поврзан со синдром на полицистични јајници, ендометриоза и предменструален синдром.
Првпат истражувачите откриваат врска помеѓу внесот на калциум и диеталниот витамин Д и плодноста.
Имајте на ум дека додатоците се чини дека не го намалуваат ризикот од рана менопауза.
Оваа студија е објавена во американскиот журнал за исхрана.