Русија ја предупредува ЕУ за нарушувања во снабдувањето со нафта Антена 3
Русија ја предупреди Европската унија за можни нарушувања во снабдувањето со нафта поради новиот спор меѓу Москва и Киев, соопшти словачката влада, само неколку часа откако Русија се обиде да ги смири тие стравови.
Словачкото Министерство за економија откри дека Русија ја предупредила ЕУ дека Словачка, Унгарија и Чешка можат да доживеат проблеми со снабдувањето со нафта. Сепак, дипломатски извори велат дека овие држави имаат доволно резерви да издржат на можни нарушувања.
Шефот на Гаспром, Алексеј Милер вели дека очекува Украина да ја плати целата сметка до декември и не очекува проблеми слични на минатогодишните со Киев.
Само неколку часа подоцна, шефот на друг руски монопол - компанија за транспорт на нафта Транснефт - ја обвини Украина за поставување нови „неприфатливи“ услови за транзит на сурова нафта преку црноморското пристаниште Јујни.
Така, Николај Токарев изјави дека Украина побарала од Русија да плати повеќе за транзит и спроведе дополнителни услови за гарантираните минимални количини, додавајќи дека снабдувањето со нафта ќе биде запрено доколку не се постигне брзо договор.
Барањето на Украина за повисоки даноци доаѓа откако ММФ го одби повикот на Киев за заем од две милијарди долари.
Антена3.ро